IZarticle             |   IZ-article.ru  |   А Блог  |  Турецкий язык   |  Статьи о Турции  |
Дуннелэн кылдэмез сярысь вашкалаослэн верамзы.
Дуннелэн кылдэмез сярысь вашкалаослэн верамзы.

Легенды,  мифы и сказки  Удмуртии на удмуртском языке.
Легенды Удмуртии на русском языке.



    Та дуннелэн интыяз нырысь ик неномыр но вылымтэ: котырак одӥг ву гинэ. Инмар отӥ бадӟым пыжен уяса ветлэм. Огпол Инмар, «кызьы али мон татчы дунне кылдытом?» шуыса, Шайтанэз ӧтем . Косэм: «Тон мын, та ву пушкы пырыса, пыдэсысьтыз мае не шедьтӥд, ымыныд потты!» Шайтан ву пыдсы лэзькыны кутскем. Мур вулэн пыдэсаз ненокызьы но уг вуы, пе. Туж кема дыр ортчыса, ранен пумиськем. «Кытчы мынӥськод?» — рак солэсь юа. «Ву пыдсы васькисько, отысь мар не сюриз не, ымыным потто»,— шуэм Шайтан. «Мае тон малпаны кутскид! — шуэм рак.— Мон та вуын дас кык ар улӥсько ини но, неноку но солэсь пыдэссэ адӟеме ӧвӧл на».-«Ойдо ӵок али, лэзько!»— шуэм Шайтан.

    Туж но туж кема васькыса, Шайтан мырдэм вулэн пыдэсаз вуэм но татысь луоез ымаз басьтыса ӝутскем. Инмар луозэ ымысьтыз пазьгыны косэм, «одӥг гизьызэ но ымад эн келты!»— шуэм. «Малы меда та Инмар одӥг гизьызэ но ымам кельтыны уг лэзьы?» шуыса, Шайтан ымысьтыз луозэ чисто пазьгымтэ. Соку ву вылэ пазьгем луо будыса-будыса музъем луэм: ымаз кельтэм луоез но будыны кутскем. Инмар, Шайтанлэсь пыктылэм бамъёссэ адӟыса, «малы тон мынэсьтым ӧд кылзӥськы, одӥг гизьызэ но кельтытэк кушты шуэм вал ук?!» — верам но Шайтанлы ымысьтыз музъемзэ куштыны косэм. Та Шайтанлэн ымысьтыз куштэм музъемез ӧй ке луысал, весь дунне вылын музъем ӵошкыт луысал. Нюкъёс-гопъёс но, бадӟым гурезьёс но ӧй луысал.